​Mustafa: Prodhuesit bujqësor në Istog, do ta kenë mbështetjen time - Bota Sot
​Mustafa: Prodhuesit bujqësor në Istog, do ta kenë mbështetjen time

Ekonomi

​Mustafa: Prodhuesit bujqësor në Istog, do ta kenë mbështetjen time

Më: 5 maj 2020 Në ora: 14:13
Besian Mustafa

Ministri i Bujqësisë, Pylltarisë dhe Zhvillimit Rural, Besian Mustafa ka vazhduar vizitat në terren, për të parë nga afër veprimtaritë bujqësore dhe gjendjen e fermerëve në komunën e Istogut.

Në komunikatën ministrore thuhet se Mustafa i shoqëruar nga kryetari i Komunës së Istogut, Haki Rugova vizitoi kultivuesit dhe përpunuesit e perimeve dhe frutave të kësaj komune, si dhe bazenet për kultivimin e troftave në këtë rajon, ku është njohur nga afër me sfidat që po përballen këta prodhues gjatë kohës së pandemisë.

“Do të vazhdoj të jem pranë fermerëve dhe agro-përpunuesve për t’i motivuar dhe mbështetur, që të mos ketë ngecje në sektorin prodhues dhe përpunues, duke ju siguruar ushqim cilësor familjeve tona”, tha Ministri Mustafa.

Kryetari i Komunës së Istogut, Haki Rugova e falënderoi ministrin për vizitën dhe e njoftoi me gjendjen e përgjithshme të sektorit të bujqësisë në këtë komunë.

Shfaq komentet
comments powered by Disqus
Sot mund të lexoni Shfletoni kopertinat