Shoqata e Gastronomëve: Muajt në vazhdim mund të bankrotojnë shumë biznese – kërkojmë ndihmë urgjente nga shteti - Bota Sot
Shoqata e Gastronomëve: Muajt në vazhdim mund të bankrotojnë shumë biznese – kërkojmë ndihmë urgjente nga shteti

Ekonomi

Shoqata e Gastronomëve: Muajt në vazhdim mund të bankrotojnë shumë biznese – kërkojmë ndihmë urgjente nga shteti

Më: 5 korrik 2020 Në ora: 23:08
Fatos Mexhuani

Nënkryetari i Shoqatës së Gastronomëve të Kosovës, Fatos Mexhuani, ka thënë se nga nesër do zbatojnë masat e reja anti-covid sa i përketë gastronomisë.

Sipas vendimit të ri gastronomia mund të punojë vetëm deri në ora 21:00 dhe të shërbejë vetëm për të marrë me vete shërbimet (takeaway) dhe në tarraca.

Sipas Mexhuanit ky vendim është i ngutshëm kjo pasi që deri tani asnjë i infektuar nuk është raportuar nga lokalet nëpër Kosovës përkundër institucioneve që kanë persona të infektuar me Covid-19.

“Më shumë kemi të infektuar nëpër institucionet shtetërore sesa në lokale si kafene ose restaurante, për këtë e cilësojmë si vendim të ngutshëm”.

“Që nga nesër gjen zbatim vendimi i ri sa i përket masave të reja nga Qeveria për gastronominë”.

“Mos zbatimi i masave paraprake do duhej të përcillej nga inspektoratit, nuk munden pronarët ose menaxheri i lokalit me i dëbu klientët, sidoqoftë e para në rend është shëndeti publik e pastaj puna jonë”.

Mexhuani mes tjerash tha se si Shoqatë kërkojnë urgjentisht që të ndihmohen nga shteti.

“Kërkojmë urgjentisht prej Qeverisë që sa më parë të takohemi dhe të gjejmë ndihmë nga shteti, tash jemi vetëm në dorën e shteti dhe nuk kemi ndonjë ndihmë tjetër”.

“Muajt në vazhdim do e gjejnë komplet të bankrotuar sektorin e gastronomisë me që as ndihma prej 170 euro siç ishte paraparë që nga prilli nuk ka dalë për punëtorët e gastronomisë”, deklaroi Mexhuani.

Shfaq komentet
comments powered by Disqus
Sot mund të lexoni Shfletoni kopertinat