Ministri i Ekonomisë dhe Ambientit, Blerim Kuçi sot është takuar me organizatën gjermane Giz.
Ai përmes një postimi në facebook, ka bërë të ditur se kanë biseduar për Menaxhimin e Mbeturinave, Sipas tij tash në proces është Strategjia Kombëtare për Menaxhimin e Integruar të Mbeturinave, që për pak kohë do të votohet në Qeveri transmeton “Bota sot”.
Tutje ai ka thene se është më se e mirëpritur të kemi një përkrahje dhe bashkëpunim të tillë me një organizatë sikur GIZ, që ka dhënë një ndihmë të çmueshme ndër vite në Kosovë.
Postimi i plotë:
Me organizatën gjerman GIZ sot mbajtëm një punëtori virtuale që temë bosht kishim menaxhimin e mbeturinave.
I gjithë bashkëpunimi me GIZ ka një format dhe një strukturë, e cila u rikonfirmua dhe bëmë ujdi që të plotësohet ndonjë pjesë vakante, për të çuar përpara proceset e filluara.
Menaxhimi i Mbeturinave është një çështje për të cilën si ministër jam i interesuar të punojë me ritme të shpejta dhe praktike. Tash në proces është Strategjia Kombëtare për Menaxhimin e Integruar të Mbeturinave, që për pak kohë do të votohet në Qeveri.
Ishte më se e mirëpritur të kemi një përkrahje dhe bashkëpunim të tillë me një organizatë sikur GIZ, që ka dhënë një ndihmë të çmueshme ndër vite në Kosovë
