Kosova mund të vendosë karantinën për të gjithë ata persona që kthehen nga Shqipëria, pas datës 30 korrik. Propozimi është bërë nga Ministria e Shëndetësisë, dhe është publikuar në disa media vendase, ku përveç Shqipërisë, karantinës 7 ditore planifikohet t’i nënshtrohen edhe shtetasit e kthyer nga Serbia, Mali i Zi dhe Maqedonia e Veriut.
Ruzhdi Kurtishi, kryetari i Kuvendit të Odës Ekonomike dhe pronari i agjencisë më të madhe për turizmin në Kosovë shprehet kundër këtij propozimi i cili do të fundoste të gjithë bizneset.
Ruzhdi Kurtishi: “Pretendimi për izolim të gjithë kosovarëve që vijnë në Shqipëri apo shqiptarëve që vijnë në Kosovë është i paargumentuar mirë dhe jam I bindur se nuk do të kalojë në qeveri.”
Është një iniciativë e paanlizuar mirë dhe për qëllime të caktuara për të dëmtuar turizmin mbarë shqiptarë dhe për tu krijuar mundësi të tjera për turizmin alternativ në shtete të tjera. Prandaj besoj se nuk do të kalojë tek kryeministri Hoti dhe kryeministri do të gjejë forma të tjera për të luftuar covid-19 por jo për të bllokuar turizmin shqiptar”
Shumë qytetarë nga Kosova preferojnë të kalojnë fundjavën në bergdetin shqiptar.
