Peci: Kosova përfiton nga përvoja e Iowas në bujqësi e blegtori

Ekonomi

Peci: Kosova përfiton nga përvoja e Iowas në bujqësi e blegtori

Më: 6 qershor 2022 Në ora: 14:52
Foto nga vendi i ngjarjes

Thellimi i bashkëpunimet të Kosovës me shtetin e Iowas do të mundësojë ngritjen e kapaciteteve institucionale, si dhe shkëmbimin e përvojave me ekspertë të sektorit të bujqësisë nga ky shtet, i cili njihet si një nga prodhuesit më të mëdhenj në Amerikë të shumë produkteve bujqësore.

Kështu është shprehur Ministri i Bujqësisë, Pylltarisë dhe Zhvillimit Rural, Faton Peci në hapjen e konferencës “Mundësitë për zhvillim të industrisë të bagëtive të qumështit në Ballkan dhe më gjërë”, e cila është mbështetur nga MBPZhR-ja, Fondi Esminger i Universitetit shtetëror të Iowës, Universiteti i Prishtinës, si dhe Asociacioni i Prodhuesve të Qumështit në Kosovë.

“Ne kemi zyrtarizuar bashkëpunimin me Universitetin e Iowës të Shkencës dhe Teknologjisë përmes një Memorandumi Bashkëpunimi, të nënshkruar vitin e kaluar, në mënyrë që të ngrisim kapacitetet tona dhe të shkëmbejmë përvoja me ekspertë të sektorit të bujqësisë. Krahas kësaj, është edhe synim dhe interesim i imi si Ministër i Bujqësisë që të kontribuoj në ofrimin e mundësive për përafrimin akademik në mes të UP-së respektivisht Fakultetit të Bujqësisë dhe Universitetit të Iowës të Shkencës dhe Teknologjisë me qëllim që studentët tanë të kenë qasje në programet që ky Universitet ofron””, ka theksuar Ministri Peci.

Ndër tjerash, ai ka falënderuar profesorin Curtis Youngs për kontributin e vazhdueshëm për sektorin e blegtorisë në Kosovë dhe të gjithë të pranishmëve në konferencë ju ka uruar punë të mbarë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat