Rikalo në konferencën kombëtare franceze për ushqim - Bota Sot
Rikalo në konferencën kombëtare franceze për ushqim

Ekonomi

Rikalo në konferencën kombëtare franceze për ushqim

Më: 24 shkurt 2018 Në ora: 13:50
Nenad Rikalo

Ministri i Bujqësisë, Pylltarisë dhe Zhvillimit Rural, Nenad Rikalo, me ftesë të ministrit francez për Bujqësi, Industri Ushqimore dhe Pylltari, StEphane Travert, ka marrë pjesë në konferencën kombëtare franceze për ushqim, e cila është mbajtur në Paris të Francës.

Në kuadër të kësaj konference, ministri Rikalo, ka prezantuar të arriturat në sektorin e bujqësisë gjatë viteve të fundit, si dhe ka treguar për mbështetjen të cilën është duke e dhënë MBPZHR-ja, me qëllim të avancimit të sektorit dhe përafrimit të politikave bujqësore me ato të BE-së.

 Ministri Rikalo gjithashtu ka zhvilluar takime me homologë të tij nga vende të ndryshme, për të diskutuar me ta për mundësitë e bashkëpunimit në të ardhmen.

“Gjatë këtyre takimeve, i shoqëruar nga sekretari i Përgjithshëm i ministrisë, Kapllan Halimi, ministri ka treguar për planet dhe projektet e ministrisë për vitet e ardhshme, me qëllim të zhvillimit dhe avancimit të mëtejmë të bujqësisë”, thuhet në komuniktën e Ministrisë së Bujqësisë.

Ministri Nenad Rikalo, ka qenë i vetmi ministër i bujqësisë nga vendet e rajonit pjesëmarrës në këtë konferencë.

Ndryshe, Kosova dhe Franca kanë bashkëpunim të vazhdueshëm në bujqësi, me theks të veçantë në shkëmbimin e ekspertizave në verari, blegtori dhe nënsektorë të tjerë.

Sot mund të lexoni Shfletoni kopertinat
Sondazh
    test