Në Administratën Tatimore të Kosovës është duke qëndruar një ekip i angazhuar nga Fondi Monetar Ndërkombëtar për projektin e asistencës teknike për vitet 2019-2021.
Qëllimi i këtij projekti është që ATK të ndihmohet në realizimin sa më të mirë të misionit të saj, si dhe objektivave të tjera strategjike.
“Objektivi specifik i këtij ekipi është që të ofrojë asistencë teknike në administrimin më të mirë të përmbushjes tatimore, mënyrën e menaxhimit të proceseve, si dhe fuqizimin e funksioneve kryesore të administratës tatimore”, njofton ATK, përcjell Klan Kosova.
Gjatë takimit të zhvilluar është diskutuar edhe për fushat e bashkëpunimit, në kuadër të planit vjetor të asistencës teknike, të cilat mund të ofrohen nga FMN.
