Produktet nga Kosova ekspozohen në SHBA

Ekonomi

Produktet nga Kosova ekspozohen në SHBA

Më: 13 nëntor 2018 Në ora: 13:28
Në panairin “PLMA’s 2018 Private Label Trade Show”

Ministria e Tregtisë dhe Industrisë përmes Agjencisë për Investime dhe Përkrahjen e Ndërmarrjeve në Kosovë (KIESA) ka organizuar pjesëmarrjen e kompanive nga Kosova : “Prince Caffe”, “Frutex”, “Bodrumi i Vjetër” dhe “Kosova Wine” në panairin “PLMA’s 2018 Private Label Trade Show”, që po mbahet në Çikago të SHBA-së.

Kompanitë nga Kosova që nga 11 nëntori janë duke i promovuar produktet e tyre si: lëngje frutash, pije alkoolike, kafe, pije energjetike, njëherësh po njihen me trendet e industrisë ndërkombëtare, si dhe po realizojnë kontakte me qëllim të bashkëpunimit dhe mundësive për eksport në të ardhmen.

Panairi “PLMA’s 2018 Private Label Trade Show”, njihet si një ndër panairet më të rëndësishme në fushën e ushqimit dhe produkteve jo-ushqimore në të cilin po ekspozojnë produktet e tyre më shumë se 1,500 kompani nga 40 vende duke përfshirë 25 pavijone ndërkombëtare.

Produktet që po ekspozohen në këtë panair janë: ushqimet e freskëta, të ngrira, të thata, pije, po ashtu kategoritë jo-ushqimore: produkte të kozmetikës, shëndetit dhe bukurisë, kuzhinës, kopshtarisë, etj.

MTI/KIESA për secilën kompani vendëse ka siguruar hapësirë ekspozuese prej 9m katrorë, që gjenden në hapësirat: F2046, F2047, F407, F408.

Panairi po mbahet  nga data 11 deri më 13 nëntor 2018 në Rosemont Convention Center në Çikago të SHBA-së.

Image
commentFirst article
Sot mund të lexoni Shfletoni kopertinat