Vazhdon rënia rekorde e Bitcoinit

Ekonomi

Vazhdon rënia rekorde e Bitcoinit

Më: 8 dhjetor 2018 Në ora: 16:49
Foto ilustrim

Në dhjetor të vitit 2017, çmimi i bitcoinit arriti vlerën rekorde prej gati 20 mijë dollarësh. Vetëm pas një viti, ky çmim ka rënë në 3400 dollarë. Kjo paraqet një rënie prej 80 për qind, ndërsa dukuria e rënies së çmimit ka filluar para 15 muajve dhe është duke vazhduar, transmeton Express.

Përkeqësimi i gjendjes ra në sy edhe më tepër gjatë kësaj jave, kur vetëm brenda pesë ditësh çmimi ra për 20 për qind. Sidoqoftë, Bitcoini nuk është e vetmja valutë që është goditur nga rënia e çmimit. Edhe kriptovalutat XPR, ethereum, litecoin dhe disa tjera kanë shënuar rënie në javët e fundit.

Njëra ndër arsyet për këtë rënië është paralajmërimi i një anëtareje të Komisionit për Siguri dhe Këmbime se po përpiqet që ta bindë komisionin për të miratuar më shumë fonde të valutës me qëllim të tregtimit. Sipas ekspertëve, kjo nuk është shenjë e mirë. Duke u bazuar në rrethanat aktuale, pritet që çmimi mund të bie deri në 1500 dollarë.

Një arsye tjetër e kësaj rënie mund të jetë fakti se çmimet u rritën thjesht shumë shpejt vitin e kaluar. Kjo paraqiste një lëvizje parabolike, duke e nënvlerësuar veprimin në bazë të arsyes, por të ndikuar nga vlerësimet e përgjithshme. Mbivlerësimi që i është bërë kësaj valute po krahasohet me stoqet e internetit në vitet e nëntëdhjeta, shkruan “CNN”.

commentFirst article
Sot mund të lexoni Shfletoni kopertinat