Bie importi nga Serbia e Bosnja, rritet ai nga Rusia

Ekonomi

Bie importi nga Serbia e Bosnja, rritet ai nga Rusia

Më: 8 dhjetor 2018 Në ora: 19:45
Foto ilustrim

Masa mbrojtëse 100 për qind, u është vendosur produkteve të Serbisë e Bosnjës, por import i madh po bëhet nga shteti aleat i tyre Rusia.

Sasia e mallit të importuar nga Rusia është duke shënuar rritje nga 4 deri në 10 milionë euro çdo vit.

Në vitin e kaluar, ishte importuar mall në vlerë të 23,8 milionë eurove, këtë vit në periudhës janar- nëntor janë importuar 30.5 milionë euro.

Madje, tregtarët po importojnë edhe kur pajisjet prodhohen në vend.

Në kompaninë vendore për prodhimin e pajisjeve dhe instalimin e energjisë solare, tregojnë se edhe kur janë dhënë grantet nga Ministria e Bujqësisë për investim në energji solare, pajisje janë blerë nga vendet aziatike.

Por, në Ministrinë e Bujqësisë janë arsyetuar se vetëm kanë bërë rimbursimin e parave pas investimit.

Ministria e Bujqësisë thotë se që nga viti 2010 dhuron grante për fermerët dhe bujqit. Çdo vit, përfitues të tyre janë deri 600 fermerë, ndërsa këtë vit, numri i tyre është rritur në 700 përfitues.

Një pjesë e tyre fitojnë grante për projektet në investim për instalimin e energjisë solare. Por, Ministria vetëm ua rimburson paratë që ata i shpenzojnë pas realizimit të projektit, nuk merr përgjegjësi për vendet se nga i blejnë pajisjet.

Trim Tërnava, shef i zyrës për projekteve, “Jaha Solar”, ka treguar se kanë dorëzuar kërkesë në ministri, që për fitim e granteve të ketë kufizime që pajisjet të blihen të paktën në vendet evropiane.

Rritja më e madhe në import nga Rusia është shënuar për naftë dhe gaz.

Ndërsa, në sasi më të vogla, panele fibrash dhe produkte të kozmetikës.

commentFirst article
Sot mund të lexoni Shfletoni kopertinat