Gërmimet pritet të përfundojnë sot tek rektorati - Bota Sot
Gërmimet pritet të përfundojnë sot tek rektorati

Aktuale

Gërmimet pritet të përfundojnë sot tek rektorati

Më: 28 korrik 2016 Në ora: 15:03
Gërmimet tek Rektorati

Gërmimet në kërkim të mbetjeve mortore të të zhdukurve në luftën e fundit në Kosovë po vazhdojnë edhe sot skaj Rektoratit të Universitetit të Prishtinës, por nuk ka ende gjetje të mbetjeve mortore deri më tash.

Kështu deklaroi kryetari i Komisionit Qeveritar për Personat e Pagjetur, Prenkë Gjetaj për Kosovapress. Gjetaj tha se germimet janë afër përfundimit dhe për rezultatet përfundimtare do të njoftohet opinioni ditëve në vijim.

 “Gërmimet tek Rektorati po vazhdojnë, për rezultatet përfundimtare do ta njoftojmë opinionin zyrtarisht pas përfundimit të këtyre gërmimeve. Deri më tash nuk ka ndonjë dyshim për ndonjë të gjetur, punimet ndoshta përfundojnë sot, gërmimet janë afër përfundimit, por kjo varet prej rrethanave që krijohen në terren”, theksoi Gjetaj. 
Ditë më parë është gërmuar edhe në dy lokacione tjera në ambientet e kampusit universitar, por pa rezultate. Gërmimet në oborrin e UP-së në Prishtinë kishin filluar më 13 korrik. 
Drejtues të këtij komisioni kanë lutur të gjithë qytetarët që kanë ndonjë informatë për ndonjë lokacion t’i ofrojnë institucioneve relevante.

Më të lexuarat
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...