Ministri i mbrojtjes britanik Gavin Williamson sot e ka vizituar Ukrainën ku i ka thënë homologut të tij ukrainas se Deti i Zi nuk i takon Rusisë.
Ai ka shtuar se Britania e Madhe e ka dërguar atje anijen e saj për të treguar se Ukraina nuk është vetëm.
Williamson e ka thënë këtë derisa tensionet në atë rajon janë të mëdha pasi Rusia i kishte sulmuar dhe konfiskuar tri anije luftarake ukrainase bashkë me ekuipazhe në Ngushticën e Kerçkës muajin e kaluar duke e akuzuar Ukrainën “se ka hyrë në ujërat territoriale të Rusisë”, e që ishte pretekst bllokimi i Ukrainës të dalë në det të hapur.
