Flet zëdhënësi i May: Ja kur do të votohet marrëveshja e Brexitit - Bota Sot
Flet zëdhënësi i May: Ja kur do të votohet marrëveshja e Brexitit

Evropë

Flet zëdhënësi i May: Ja kur do të votohet marrëveshja e Brexitit

Më: 9 janar 2019 Në ora: 06:34
Foto ilustrim

Brexit nuk u prit edhe aq mirë siç e mendonte kryeministrja e Theresa May. Problem në votimin e Brexit ishte Irlanda e cila nuk e pranonte një marrëveshje tjetër.

Britania ka në plan të mbajë një votim në parlament mbi marrëveshjen e qeverisë për të lënë Bashkimin Evropian, më 15 janar, tha zëdhënësi i Kryeministrit Theresa May të martën pas një takimi të ministrave të rëndësishëm.

May i tha përsëri kabinetit të saj se nuk ishte politika e qeverisë për të vonuar Brexitin, duke zgjeruar njoftimin e të ashtuquajturit Neni 50, tha zëdhënësi, duke shtuar se ideja mund të jetë diskutuar nga zyrtarët e BE, por jo nga zyrtarët britanikë.

“Debati pritet që të fillojë gjatë ditës së sotme në Parlament dhe do të zgjasë deri të martën e ardhshme, pra më datën 15 Janar, kur edhe pritet të mbahet votimi për marrëveshjen”, u tha gazetarëve zëdhënësi i kryeministres Theresa May.

Kjo e fundit arriti një marrëveshje me zyrtarët e Bashkimit Europian, për kushtet e daljes së Britanisë nga unioni, por pakti u prit shumë keq në Londër, ndërsa zërat kundër janë të shumtë në numër dhe rrezikohet që drafti të mos marrë votat në parlament.

Vetë May tentoi të rinegociojë marrëveshjen me zyrtarë të Bashkimit Europian, por këta të fundit u përgjigjën prerë se nuk do të ketë marrëveshje të re, por vetëm dhënie garancish dhe ndihme për të siguruar votën pro në parlamentin britanik.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...