Agjencia e Shërbimeve të Navigacionti Ajror, ka njoftuar se lajmi që nga Aeroporti i Prishtinës kanë fluturuar për në Holandë tre aeroplanë, nuk është i vërtetë.
Departamenti për Informata Aeronautike në ASHNA konfirmon se asnjë aeroplan komercial apo ushtarak nuk ka fluturuar për në Holandë gjatë këtij viti.
“Me datë 10 Janar 2019 në Aeroportin e Prishtinës janë realizuar tre fluturime ushtarake, nga tre shtete të ndryshme të NATO-së, mirëpo që të tre kanë pasur destinime të ndryshme dhe asnjëri nga ta për në Holandë. Për informimin e opinionit publik në Kosovë, të gjitha operimet ajrore civile si dhe ato ushtarake, menaxhohen nga ofruesi i vetëm i shërbimeve të Navigacionit Ajror në Republikën e Kosovës – ASHNA”, thuhet në sqarimin e Agjencisë së Shërbimeve të Navigacionti Ajror.