Mijëra adoleshentë dhe të rinj dolën sot në rrugët e Parisit për të kërkuar më shumë veprim për parandalimin e pakthyeshëm të ngrohjes globale.
Demonstruesit, me në krye aktivisten suedeze Greta Thunberg, marshuan përgjatë bulevardit qendror të Parisit duke kënduar, “Një, dy, tre gradë: është një krim kundër njerëzimit”.
Manifestuesit mbanin pankarta të shkruara në anglisht, gjermanisht, italisht sigurisht edhe në frëngjisht ku kërkohej më shumë veprim nga qeveria.
“Qeveria e presidentit Emmanuel Macron nuk ka dhënë prova për një përfshirje të mjaftueshme në zgjidhjen e ndryshimit klimatik”, thotë një prej adoleshentëve. /ATSH
