Gjykata dënon Francën dhe Greqinë për trajtimin e dy rasteve të migrantëve - Bota Sot
Gjykata dënon Francën dhe Greqinë për trajtimin e dy rasteve të migrantëve

Evropë

Gjykata dënon Francën dhe Greqinë për trajtimin e dy rasteve të migrantëve

Më: 28 shkurt 2019 Në ora: 20:31
Foto ilustrim

Gjykata Evropiane për të Drejtat e Njeriut ka dënuar Francën dhe Greqinë për trajtimin e tyre ndaj migrantëve, në dy raste të veçanta.

Gjykata urdhëroi Francën të paguajë 15 mijë euro, për të kompensuar një afgan, i cili kishte kaluar gjashtë muaj në kampin e migrantëve në Calais në vitin 2016.

Jamil Khan, i cili në atë kohë ishte 12 vjeçar, po jetonte në kamp, kur qeveria urdhëroi prishjen e kampit. Një gjykatë franceze në atë kohë urdhëroi që ndaj tij të ketë përkujdesje ndërkaq shteti nuk e mori për bazë këtë vendim.

Në rastin e dytë, gjykata urdhëroi Greqinë të paguajë 4000 për nëntë adoleshentë: gjashtë sirianë, dy irakianë dhe një maroken, të cilët arritën në vend në fillim të vitit 2016.

Gjykata gjeti se ata ishin mbajtur në mes tre dhe pesë javësh në stacionet e policisë ose të kufirit përpara se të transferohen tek autoritetet e migracionit.

Gjykata hodhi poshtë një kërkesë nga emigrantët se qendra e pritjes në të cilën ata u dërguan përfundimisht ishte e mbipopulluar dhe jo-shëndetësore.

Gjykata tha se, në atë kohë, për shkak të fluksit të migrantëve në Greqi ishte një "krizë e paprecedent humanitare" dhe se qendra e pritjes ishte krijuar në mënyrë emergjente.

Sot mund të lexoni Shfletoni kopertinat