“Pacienti i Berlinit” emri i vërtetë i të cilit është Timothy Ray Brown e që u bë personi i parë në botë që u shërua nga HIV, ka mirëpritur lajmin se një tjetër person është shëruar nga i njëjti virus.
Brown deklaroi se do të dëshironte që të takonte “pacientin e Londrës” apo personin e dytë për të cilin u raportuar se është shëruar nga HIV, ndërsa shtoi se lajmi u jep shpresë të gjithë atyre që vuajnë nga kjo sëmundje vdekjeprurëse.
Amerikani që u trajtua në Berlin tha se asnjëherë nuk e kishte menduar se do të shërohej, ndërsa tha se ndihet i obliguar që t’u shërbejë doktorëve për të gjetur kurën e përshtatshme.
Timothy Ray Brown jeton pa virusin HIV prej 12-vitesh dhe nuk merr asnjë medikament.
