Blerja e sistemit raketor rus nga Turqia, problem për NATO-n - Bota Sot
Blerja e sistemit raketor rus nga Turqia, problem për NATO-n

Evropë

Blerja e sistemit raketor rus nga Turqia, problem për NATO-n

Më: 15 mars 2019 Në ora: 00:33
Foto ilustrim

Porositja e sistemit raketor S-400 nga ana e Turqisë paraqet një problem të sigurisë kombëtare për NATO-n, e cila nuk do të ishte në gjendje të vendoste avionë F-35 së bashku me sistemet ruse, thanë zyrtarët e lartë të SHBA-ve të enjten.

Zyrtarët, të cilët informuan një grup gazetarësh në kushte anonimiteti, thanë se blerja e S-400 nga Turqia nuk ishte e barabartë me atë të tërheqjes nga NATO, por se blerja e Ankarasë duhet të konsiderohet si një çështje e sigurisë kombëtare dhe jo një vendim thjesht komercial.

“Ne po vazhdojmë të punojmë në një sërë mundësish për të siguruar që pjesëmarrja e Turqisë në aleancën e NATO-s dhe marrëdhëniet dypalëshe të mund të vazhdojë të pandërprerë dhe të papenguar”, tha një nga zyrtarët.

“Rëndësia e rrezikut për F-35 si për Shtetet e Bashkuara ashtu edhe për aleatët e NATO-s, është e tillë që të dy sistemet nuk mund të vendosen bashkë”.

Anëtari i NATO-s Turqia ka thënë në mënyrë të përsëritur se është e angazhuar për blerjen e sistemit të mbrojtjes raketore ruse, pavarësisht paralajmërimeve nga Shtetet e Bashkuara se S-400 nuk mund të integrohet në sistemin e mbrojtjes ajrore të NATO-s.

Departamenti i Shtetit i SH.B.A-ve javën e kaluar tha se Uashingtoni i kishte thënë Turqisë se nëse blen sistemet S-400, Shtetet e Bashkuara do të duhet të rivlerësojnë pjesëmarrjen e Ankarasë në programin luftarak Lockheed Martin F-35.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...