Duke folur në Këshillin Atlantik në Uashington, Parly tha se “evropianët pyeten nëse angazhimi i SHBA-së në NATO do të jetë afatgjatë”.
“A duhet të supozojmë se do të vazhdojë sikurse në 70 vjetët e kaluar”, tha ajo.
Komentet pasyqrojnë dyshimet në rritje në Evropë për përkushtimin e presidentit të SHBA-së, Donald Trump, ndaj NATO-s.
Trump ka kërkuar që aleatët të paguajnë më shumë për mbrojtjen e tyre, në mënyrë që t’iu lehtësohet barra taksapaguesve amerikanë, ndërsa shpesh ka dështuar të përmendë angazhimin ndaj Artikullit 5 të Kartës së NATO-s, i cili thotë se sulmi ndaj një anëtari të NATO-s, është sulm ndaj të gjithë anëtarëve, transmeton rel.
Duke pranuar kërkesën e Trumpit që Evropa të shpenzojë më shumë për mbrojtjen e përbashkët, Parly po ashtu tha se “aleanca duhet të jetë e pakushtëzuar, përndryshe nuk është aleancë”.
