Gjermania arreston 11 persona, po planifikonin sulme terroriste - Bota Sot
Gjermania arreston 11 persona, po planifikonin sulme terroriste

Evropë

Gjermania arreston 11 persona, po planifikonin sulme terroriste

Më: 23 mars 2019 Në ora: 13:58
Foto ilustrim

Autoritetet në Gjermani kanë arrestuar 11 persona pas dyshimeve për planifikimin të sulmit terrorist.

Këta persona kishin planifikuar të vrasin sa më shumë “jobesimtarë” duke përdorur një veturë dhe armë, thanë autoritetet.

Një 21-vjeçar nga Offenbach afër Frankfurtit dhe dy vëllezër 31 vjeçar nga Wiesbaden, janë të dyshuarit kryesor për organizim të sulmit.

“Ata kishin zhvilluar kontakte me posedues të armëve, kishin marrë me qira një veturë të madhe si dhe kishin mbledhur fondet për të paguar armët dhe planin e vrasjeve”, tha një zyrtar për informim nga zyra e prokurorit, përcjell Top Channel.

“Të dyshuarit janë në mes të moshës 20 dhe 42 dhe shumica janë të kombësisë gjermane”, shtoi ai.

Policia ka konfiskuar 20,000 euro si dhe thika, substancë narkotike, dokumente dhe mjete elektrike.

Gjermania ka qenë në alarm pas sulmeve të xhihadistëve nëpër Evropë viteve të fundit. Më 2016, një person kishte hyrë me kamion në qendër të Berlinit, duke lënë të vrarë 12 persona.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...