Erdogan: Hagia Sophia e Stambollit mund të shndërrohet në xhami - Bota Sot
Erdogan: Hagia Sophia e Stambollit mund të shndërrohet në xhami

Evropë

Erdogan: Hagia Sophia e Stambollit mund të shndërrohet në xhami

Më: 25 mars 2019 Në ora: 19:55
Presidenti i Turqisë, Recep Tayyip Erdogan

Hagia Sophia e Stambollit - një katedrale e epokës bizantine që tani shërben si muze - mund të rikthehet në xhami, tha presidenti i Turqisë, Recep Tayyip Erdogan.

Ai i bëri komentet gjatë një interviste televizive, në prag të zgjedhjeve lokale të 31 marsit.

Ish-katedralja bizantine është konvertuar në xhami pas pushtimit osman të Stambollit - i njohur atëherë si Konstandinopojë - në vitin 1453.

Themeluesi laik i Turqisë e ka rikthyer ndërtesën në një muze, në vitin 1935.

Ajo tërheq tani miliona turistë çdo vit.

Sugjerimi se ajo mund të rikthehet në xhami, nxiti zemërim në Greqi.

"Nuk është vetëm një tempull i madh i krishterimit - më i madhi për shumë shekuj. Ai po ashtu i takon njerëzimit. Është njohur si pjesë e trashëgimisë kulturore globale nga UNESCO (Organizata për Arsim, Shkencë dhe Kulturë e Kombeve të Bashkuara)", tha ministri i Jashtëm grek, George Katrougalos.

"Andaj, vënia në pikëpyetje e këtij statusi nuk është vetëm fyerje ndaj ndjenjave të të krishterëve, është fyerje ndaj bashkësisë ndërkombëtare dhe ligjit ndërkombëtar", tha ai.

Vetë Erdogan recitoi lutje brenda Hagia Sophias vitin e kaluar.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...