Zgjedhje lokale në Turqi, Erdogan rrezikon të humbë qytetet e mëdha

Evropë

Zgjedhje lokale në Turqi, Erdogan rrezikon të humbë qytetet e mëdha

Më: 31 mars 2019 Në ora: 09:46
Erdogan

Turqit iu drejtuan qendrave të votimit mëngjesin e sotëm, për të votuar në zgjedhjet lokale, që Presidenti Tayyip Erdogan i përshkroi si një çështje mbijetese për vendin.

Erdogan, i cili ka dominuar politikën turke për më shumë se 16 vjet falë rritjes së fuqishme ekonomike dhe aftësive të larta të të bërit të fushatës, është bërë udhëheqësi më popullor, por njëkohësisht edhe më ndarës në historinë moderne të vendit.

Megjithatë, ai mund të marrë një goditje elektorale, me anketat që tregojnë se Partia e tij AK mund të humbë kontrollin e kryeqytetit, Ankarasë dhe madje edhe Stambollit, qytetit më të madh të vendit.

Votuesit në krahinat në Turqinë lindore filluan të votojnë në orën 7:00, ndërsa votimi në pjesën tjetër të Turqisë fillon në orën 8:00. Vendet e votimit mbyllen në orën 16:00 në lindje dhe në orën 17:00 në perëndim.

Mbi 57 milionë njerëz kanë të drejtë vote, ndërsa një pamje e qartë e fituesve ndoshta do të dalë rreth mesnatës.

Me ekonominë e kontraktuar pas një krizë të monedhës vitin e kaluar, në të cilën lira humbi më shumë se 30 për qind të vlerës së saj, disa votues dolën të gatshëm për të ndëshkuar Erdogan, i cili ka vendosur me një qëndrim gjithnjë e më pak kompromis.

commentFirst article
Sot mund të lexoni Shfletoni kopertinat