Kryeministrja e Britanisë së Madhe, Theresa May, do të ulet në tryezën e bisedimeve edhe me opozitën e saj në vend në përpjekje për të gjetur një zgjidhje për marrëveshjen për të dalë nga Bashkimi Evropian.
May do të takohet me liderin e laburistëve, Jeremy Corbyn, i cili në vazhdimësi ka kundërshtuar marrëveshjen e negociuar mes Britanisë dhe BE-së.
Kryeministrja shpreson se të dy mund të dalin me një version të modifikuar të marrëveshjes së saj me BE, që të mund të sigurojë mbështetjen e deputetëve.
Corbyn thotë se dëshiron që bashkimi doganor dhe të drejtat e punëtorëve të kenë përparësi.
Por Boris Johnson akuzoi May se kërkon t'ia lërë dorën përfundimtare të Brexit Partisë Laburiste.
May njoftoi planin e saj për të takuar Corbyn, si dhe synimin e saj për t'i kërkuar BE-së një zgjatje të afatit të Brexit, pas më shumë se 7 orë bisedimesh me kabinetin e saj të martën.
