Tensione Ankara-Athinë për ishujt e Egjeut - Bota Sot
Tensione Ankara-Athinë për ishujt e Egjeut

Evropë

Tensione Ankara-Athinë për ishujt e Egjeut

Më: 21 prill 2019 Në ora: 14:53
Ishujt e Egjeut

Turqia kërkon që Greqia të demilitarizojë disa prej ishujve grekë në pjesën lindore të detit Egje. Ministri turk i Mbrojtjes, Hulusi Akar ka akuzuar Athinën se duke instaluar sisteme mbrojtje në këto ishuj shkel konventat ndërkombëtare.

“Statusi i demilitarizuar i këtyre ishujve duhet të mbrohet dhe të vazhdojë”, tha Ministri turk i Mbrojtjes për agjencinë zyrtare vendase, Anadolu Ajans.

Turqia i mbështet pretendimet e saj në Konventën e Paqes të Lozanës, të vitit 1923. Mirëpo Athina zyrtare përgjigjet se militarizimi i ishujve të Egjeut Lindor është vendosur me një sërë marrëveshjes ndërkombëtare të mëvonshme.

Ministri grek i Mbrojtjes, Evangelos Apostolakis, ka komentuar se pretendimet e Turqisë nuk kanë asnjë bazë ligjore, ndërsa Ministria e Jashtme në Athinë reagoi me një deklaratë për shtyp, ku theksoi se shtrimi i çështjeve të tilla nuk i përgjigjet nivelit të marrëdhënieve që Greqia kërkon të kultivojë me gjithë vendet fqinje.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...