Kryeministrja britanike Theresa May telefonoi të martën presidentin e sapozgjedhur të Ukrainës, Volodimir Zelenskiy, për ta uruar për fitoren.
May i konfirmoi komedianit Zelenskiy se Britania do të vazhdojë të mbështesë sovranitetin dhe integritetin territorial të vendit të tij, tha zyra e kryeministres angleze në një deklaratë.
“Kryeministrja theksoi rëndësinë që dy vendet tona të punojnë së bashku me bashkësinë ndërkombëtare, për të penguar agresionin rus”, tha një zëdhënëse e May në një deklaratë.
Komediani Volodimir Zelenskiy fitoi të dielën në balotazhin me ish presidentin Petro Poroschenko, ndaj të cilit rënduan shumë akuzat për përfshirje në afera korruptive.
