Hetimi për vrasjet në seri, policia qipriote gjen trupin e një tjetër viktime - Bota Sot
Hetimi për vrasjet në seri, policia qipriote gjen trupin e një tjetër viktime

Evropë

Hetimi për vrasjet në seri, policia qipriote gjen trupin e një tjetër viktime

Më: 26 prill 2019 Në ora: 00:31
Burime të policisë thanë se tre viktimat, bazuar në dëshminë e të dyshuarit, ishin duke u kërkuar

Policia në Qipro që heton zhdukjen e grave nga Filipinet, teksa zbuloi një trup të tretë të enjten në një rast vrasjesh të dyshuara seriale, që ka tronditur ishullin mesdhetar.

Një 35-vjeçar grek qipriot, oficer karriere në ushtri, po mbahet në paraburgim si i dyshuari kryesor i vrasjeve, tha policia qipriote në një deklaratë paraprake.

Trupat e dy grave u gjetën në një galeri të një miniere të braktisur më 14 dhe 20 prill, dhe mendohet se u përkasin dy personave nga Filipinet, që u raportuan të zhdukur në maj dhe gusht 2018.

Të enjten policia zbuloi trupin e një gruaje tjetër rreth 14 kilometra larg minierës, por nuk kishte asnjë informacion për identitetin e saj.

Burime të policisë i thanë Reuters se tre viktimat, bazuar në dëshminë e të dyshuarit, ishin duke u kërkuar. Ata thanë se i dyshuari të enjten dha detajet për një tjetër viktimë “indiane ose nepale”, të vrarë në verën e vitit 2018.

Ai gjithashtu pranoi se kishte vrarë një grua rumune dhe vajzën e saj nën moshën, shtoi burimi i policisë. Në seancat gjyqësore, policia tha se oficeri i ushtrisë dyshohej se ishte njohur me gratë që ka vrarë, në një vend takimesh online.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...