Ministri francez i arsimit, Jean-Michel Blanquer ka sjellë në Senatin frances projektligji e ri të reformës së arsimit, këtë të martë. Por sindikatat e shkollave janë të shqetësuar nga disa aspekte të projektligjit, shkruan AFP.
Ligji i "besimit në shkolla" i Blanquerit u miratua nga Asambleja Kombëtare në shkurt dhe shkon përpara senatorëve të martën.
Megjithatë, shumë mësues dhe prindër po shprehin shqetësime serioze rreth elementëve kryesorë të projekt-ligjit. Sindikatat kryesore të shkollave fillore - SNUipp dhe FSU, UNSA dhe Sud - po u bëjnë thirrje mësuesve, prindërve dhe zyrtarëve të zgjedhur lokal që të demonstrojnë kundër tij më 18 maj.
Arsimi i detyrueshëm nga mosha tre vjeçare, detyra e mësuesve për të vendosur një shembull, duke zbatuar trajnimin e mësuesve, projektligji Blanquer mbulon shumë aspekte të arsimit kombëtar.
"Ky projekt-ligj përqendrohet në administratën dhe jo në arsim", tha Francette Popineau, bashkë-sekretare e përgjithshme e sindikatës së SNUipp-FSU në një intervistë me FRANCE 24. "Projektligji nuk e zgjidh problemin e pabarazisë sociale dhe përjashtimit. Në fakt, po krijon të reja. "
