Arrestohen katër persona në Gjermani, mbështetnin financiarisht ISIS-in - Bota Sot
Arrestohen katër persona në Gjermani, mbështetnin financiarisht ISIS-in

Evropë

Arrestohen katër persona në Gjermani, mbështetnin financiarisht ISIS-in

Më: 22 maj 2019 Në ora: 14:44
Ilustrim

Autoritetet gjermane kanë arrestuar katër persona me dyshimin për mbështetjen financiare të Shtetit Islamik, tha të mërkurën prokurorja e Hamburgut, Jana Frombach.

“Unë mund të konfirmoj katër urdhërarreste të lëshuara nga gjykata më e lartë shtetërore”, tha Frombach duke konfirmuar një raport të gazetës ”Kieler Nachrichten”.

Arrestimet u kryen në qytetin e Neumuenster, në shtetin verior të Schleswig-Holstein.

Sipas raporteve të medias, në vitin 2017, një vlerë prej mijëra eurosh u mor nga një grua nga Schleswig-Holstein, e cila ka emigruar në Siri dhe është bashkuar me Shtetin Islamik.

”Të arrestuarit akuzohen për mbështetjen e përbashkët të një organizate terroriste të huaj”, tha Frombach.

Përpara arrestimeve u kontrolluan dy lokalitete në Neumuenster dhe një në Hamburg./atsh/

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...