Jep dorëheqje partnerja e koalicionit të Angela Merkelit - Bota Sot
Jep dorëheqje partnerja e koalicionit të Angela Merkelit

Evropë

Jep dorëheqje partnerja e koalicionit të Angela Merkelit

Më: 2 qershor 2019 Në ora: 15:41
Andrea Nahles, kryetarja e Partisë Social-demokrate të Gjermanisë

Andrea Nahles, kryetarja e Partisë Social-demokrate të Gjermanisë, e cila është partnere e koalicionit në qeverinë e Angela Merkelit, ka dhënë dorëheqje nga pozita e saj. Ky vendim ka ngritur shqetësime për mundësinë e rrëzimit të qeverisë.

Nahles, e cila ka hequr dorë nga të gjitha pozitat politike, përfshirë pozitën e kryetares së grupit parlamentar të SPD-së, tha se dorëheqja e saj është pasojë e rezultatit më të dobët në historinë 156-vjeçare të partisë gjatë zgjedhjeve për Parlamentin Evropian që u mbajtën fundjavën e kaluar. Kjo parti i fitoi vetëm 15.8 për qind të votave, 11 për qind më pak se në zgjedhjet e vitit 2014.

Përmes një deklarate, Nahles, e cila ishte bërë kryetare e kësaj partie në prill të vitit 2018, tha: “E mora timonin e partisë dhe të grupit parlamentar në kohë të vështirë. Vendosëm së bashku ta marrim përgjegjësinë për vendin tonë si pjesë e qeverisë gjermane. Njëkohësisht, punuam për ta rindërtuar partinë dhe të sjellim përmbajtje të reja. Sidoqoftë, përkrahja që e kisha dikur nuk është më”.

Vendimi i Nahles është goditje e rëndë për partinë dhe për të ashtuquajturin koalicion i madh mes Kristian-demokratëve dhe social-demokratëve, duke e vënë në dyshim mbijetesën e qeverisë deri në fund të mandatit të paraparë.

Fati i koalicionit qeveritar tash varet nga personi që do ta zëvendësojë kryetaren e dorëhequr. Secili kandidat që ka pikëpamje më majtiste do të mund ta prishte koalicionin, me ç’rast do të mbaheshin zgjedhje të reja, duke i dhënë fund para kohe mandatit të fundit të Merkelit, shkruan “The Guardian”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...