Kandidati për Kryeministër të Britanisë: Selam Alejkum dhe urime Bajramin - Bota Sot
Kandidati për Kryeministër të Britanisë: Selam Alejkum dhe urime Bajramin

Evropë

Kandidati për Kryeministër të Britanisë: Selam Alejkum dhe urime Bajramin

Më: 4 qershor 2019 Në ora: 14:00
Jeremy Corbyn

Lideri i opozitës britanike dhe i Partisë Laboriste, Xheremi Korbin [Jeremy Corbyn] e ka uruar shumë ngrohtësisht festën e Bajramit të Madh për myslimanët në Mbretërinë e Bashkuar dhe gjithandej globit.

Ai urimin e tij e ka nisur me fjalët “Assalamu’alaikum’ që në shqip i referohemi si “selam alejkum”.

Korbin thotë se ka qenë me fat që i ka shijuar shumë iftare gjatë ramazanit dhe se ato janë shfaqje e shkëlqyeshme e komunitetve të ndryshme – ku njerëzit ndajnë ushqimin e tyre me fqinjtë myslimanë.

“Kam dëgjuar nga liderët e komuniteteve të myslimanëve mbi punën e rëndësishme që kanë bërë në luftën kundër islamofobisë,” shton më tej ai.

Më tej, Korbin që njihet për simpatinë e tij edhe ndaj Palestinës, thotë se “islami na mëson mbi rëndësinë e komunitetit dhe të kujdesjes ndaj njëri tjetrit; që të punojmë mbi qëllime të përbashkëta që do të na konvenojnë të gjithëve, dhe për drejtësi e barazi. Këto janë vlerat e Partisë Laboriste, dhe ato janë aq të rëndësishme derisa punojmë që ta bashkojmë vendin tonë.”

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...