Më shumë se 20 persona janë lënduar në një aksident tramvaji në Dyseldorf të Gjermanisë, shumica e tyre lehtë.
Tramvaji, i cili kishte rreth 50 pasagjerë, u përmbys të martën në mbrëmje nga një shkak i panjohur në rrethin e Lierenfeld, kanë njoftuar autoritetet, shkruan “20minuten”, përcjell Bota sot.
Dy persona janë lënduar më rëndë, ndërsa 20 të tjerë më lehtë. Ata u dërguan në spitale nga shërbimi i ambulancës.
Asnjë automjet tjetër nuk ishte përfshirë në aksident. Shpëtimi i të lënduarve nga aksidenti i tramvajit zgjati deri në orët e vona të natës.
