Sulmohen dy xhami në Gjermani - Bota Sot
Sulmohen dy xhami në Gjermani

Evropë

Sulmohen dy xhami në Gjermani

Më: 10 qershor 2019 Në ora: 12:37
Foto

Sulmuesit grisën të paktën 50 Kurana dhe disa prej tyre i hodhën në tualet.

 Dy xhami në Gjermani ishin në shënjestër të sulmeve islamofobe këtë fundjavë. Sulmues të paidentifikuar hodhën gurë ndaj xhamisë Qëndrore në Kassel duke shkaktuar dëme të konsiderueshme materiale.

Kjo xhami menaxhohet nga Komuniteti Islam Turk (DITIB), kurse kryetari i bordit të xhematit Seyfettin Eryoruk tha se sulmi ka ndodhur në momentet kur në xhami nuk kishte njeri, transmeton Balkanweb.

Konsulli turk në Frankfurt, Burak Kararti dënoi sulmin dhe i bëri thirrje autoritetve gjermane të kapin autorët dhe të nxjerrin para drejtësisë.

Paralelisht me këtë, në shënjestër të sulmit vandal ishte edhe xhamia Rahman në Bremen, ku më së shumti frekuentohet nga afganët dhe pakistanezët.

Sulmuesit grisën të paktën 50 Kurana dhe disa prej tyre i hodhën në tualet.

Sulmin ashpër e dënoi edhe deputeti i Unionit Demo-kristian (CDU) në parlamentin krahinor Oguzhan Yazici, i cili u bëri thirrje autoriteteve të ndërmarrin masa dhe të mbrojnë xhamitë dhe sinagogat në mënyrën e duhur.

Në të dyja rastet prokuroritë kanë nisur hetime, kurse më herët sulme të ngjashme në xhamitë në Gjermani kryen simpatizuesit dhe protagonistët e organizatës terroriste PKK.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...