Presidenti Vladimir Putin të enjten shkarkoi dy oficerë të lartë të policisë lidhur me arrestimin e gazetarit hetues Ivan Golunov mbi akuzat për drogë, shkruan AFP.
Arrestimi i gazetarit javën e kaluar shihej gjerësisht si dënim për punën e tij hetimore dhe nxiti një fushatë të pashembullt solidariteti në shoqërinë ruse.
Të martën, Ministri i Brendshëm Vladimir Kolokoltsev tha se ai kishte kërkuar që Putini të shkarkojë oficerët pas heqjes së akuzave kundër Golunov në bazë të mungesës së provave.
Të enjten, Putin nënshkroi një dekret për shkarkimin e shefit të policisë për pjesën perëndimore të Moskës, gjeneralmajor Andrei Puchkov dhe kreun e departamentit të policisë së Moskës për kontrollin e narkotikëve, gjeneralmajor Yury Devyatkin.
