BE-ja do t’i pranojë 65 imigrantët e shpëtuar në Detin Mesdhe - Bota Sot
BE-ja do t’i pranojë 65 imigrantët e shpëtuar në Detin Mesdhe

Evropë

BE-ja do t’i pranojë 65 imigrantët e shpëtuar në Detin Mesdhe

Më: 8 korrik 2019 Në ora: 09:07
Ilustrim

Autoritetet e Maltës i kanë lejuar 65 imigrantë afrikanë, të cilët ishin shpëtuar pranë bregdetit të Libisë, të qëndrojnë në territorin e këtij shteti deri në dërgimin e tyre në pjesë të tjera të Bashkimit Evropian.

Kryeministri i Maltës, Joseph Muscat, tha pas bisedimeve me Komisionin Evropian dhe zyrtarët e qeverisë gjermane se të gjithë imigrantët e shpëtuar do të dërgohen në shtete të ndryshme të Bashkimit Evropian.

Këta imigrantë u sollën në territorin e Maltës pasi u shpëtuan nga një anije e forcave detare, ndërsa dy anije të tjera u ndalën në portet italiane ditëve të fundit, pavarësisht urdhrit të autoriteteve për të mos e bërë një gjë të tillë. Këto veprime e zemëruan ministrin e brendshëm italian, Matteo Salvini.

Njoftimi i autoriteteve të Maltës erdhi disa orë pasi anëtarët e ekuipazhit të anijes “Alan Kurdi” thanë se tre imigrantë janë alivanosur dhe kanë nevojë emergjente për ndihmë mjekësore.

Zyrtarët e Maltës gjithashtu njoftuan se të dielën i kanë shpëtuar 50 imigrantë të tjerë në një anije që po fundosej.

Ministri i brendshëm gjerman, Horst Seehofer, ka thënë se vendi i tij do t’i pranojë deri 40 imigrantë nga këto dy anije imigrantësh, shkruan “BBC”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...