Përmbytje në Greqi, Ekspertët: Kjo verë e pazakontë - Bota Sot
Përmbytje në Greqi, Ekspertët: Kjo verë e pazakontë

Evropë

Përmbytje në Greqi, Ekspertët: Kjo verë e pazakontë

Më: 15 korrik 2019 Në ora: 13:11
Foto

Autoritetet kanë evakuar me dhjetëra qytetarë nga shtëpitë e zhytura nën ujë në Greqinë perëndimore të dielën, pak ditë pasi shtatë persona humbën jetën si pasojë e një stuhie të dhunshme në veri të vendit.

Stuhi të tilla janë të pazakonta në Greqi, kur stina e verës zakonisht është e nxehtë dhe e thatë. Përmbytjet, kanë bërë që rrugët e dëmtuara nga stuhia më e fundit në afërsi të qyteteve Nafpaktos dhe patra të shndërrohen në lumenj të vërtetë, duke bërë që të mbyllet për disa orë edhe një trajektore e rëndësishme qarkullimi. Sidoqoftë, nuk raportohet për të lënduar apo të zhdukur.

Shumë shtëpi dhe dyqane janë përmbytur afër qytetit Nafpaktos, janë dëmtuar shtëpi, dyqane dhe makina – thë për agjencinë e lajmeve Reuters një zyrtar i departamentit të zjarrfikësve.

Shtatë persona, mes të cilëve gjashtë turistë, humbën jetën dhe më shumë se 100 të tjerë u lënduan të enjten kur një stuhi gjatë natës përfshiu Greqinë veriore.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...