Turqia i liron nga akuzat për terrorizëm dy gazetarë dhe një aktiviste - Bota Sot
Turqia i liron nga akuzat për terrorizëm dy gazetarë dhe një aktiviste

Evropë

Turqia i liron nga akuzat për terrorizëm dy gazetarë dhe një aktiviste

Më: 17 korrik 2019 Në ora: 13:42
Aktivistia

Një gjykatë në Turqi i ka shpallur të pafajshëm dhe i ka lënë të lirë dy gazetarë dhe një aktiviste për mbrojtjen e të drejtave të njeriut, të cilët akuzoheshin për terrorizëm.

Tre personat e paraburgosur ishin akuzuar për përhapje të propagandës terroriste gjatë punës së tyre për një gazetë kurde, e cila tashmë është mbyllur nga autoritetet turke.

Sidoqoftë, asnjëri prej tyre nuk i ka pranuar këto akuza dhe të tre kanë këmbëngulur se vetëm e kanë mbrojtur lirinë e shprehjes së lirë në kohën kur presidenti turk, Rexhep Erdogan, po i shtyp në mënyra të ndryshme kundërshtarët politikë.

Njëri nga personat e akuzuar në këtë rast, Erol Onderoglu, është përfaqësues i grupit hulumtues “Reporterët pa Kufij” për Turqi.

Sipas indeksit vjetor për liri të shtypit, Turqia ndodhet në vendin e 157-të nga gjithsej 180 shtete dhe besohet se është një ndër vendet që burgos më së shumti gazetarë në botë.

Erol Onderoglu, gazetari Ahmet Nesin dhe drejtoresha e Fondacionit për të Drejtat e Njeriut në Turqi, Korur Ficanci, ishin arrestuar në qershor të vitit 2016.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...