BE-ja pritet t’i ofrojë afat shtesë Britanisë për arritje të marrëveshjes për Brexit-in - Bota Sot
BE-ja pritet t’i ofrojë afat shtesë Britanisë për arritje të marrëveshjes për Brexit-in

Evropë

BE-ja pritet t’i ofrojë afat shtesë Britanisë për arritje të marrëveshjes për Brexit-in

Më: 20 korrik 2019 Në ora: 08:18
Foto ilustrim

Brukseli është duke u përgatitur për t’ia ofruar një afat shtesë Boris Johnson-it, kandidatit kryesor për kryeministër të ardhshëm të Britanisë, një afat përtej 31 tetorit në përpjekje për ta mbajtur të bashkuar Partinë Konservatore dhe për t’ia dhënë edhe një mundësi për arritje të marrëveshjes për largim nga BE-ja.

Afati shtesë për qëndrim në Bashkimin Evropian do të përdorej për negociata të reja, por do të mund të shfrytëzohej nga përkrahësit e Brexit-it në Partinë Konservatore edhe si mundësi për t’u përgatitur më shumë për largim nga BE-ja pa marrëveshje.

“Ky proces do të përshkruhet si shtyrje teknike për ta shpëtuar Borisin nga turpërimi politik, por më pas do të kemi kohë për të gjetur një marrëveshje”, mësohet të ketë thënë një diplomat i lartë i Bashkimit Evropian.

Në mesin e shteteve anëtare të BE-së është shtuar besimi që largimi i Britanisë së Madhe pa marrëveshje mund të shmanget pasi deputetët britanikë votuan këtë javë që t’ia pamundësojnë kryeministrit të ardhshëm pezullimin e përkohshëm të aktiviteteve të kuvendit.

Sipas propozimit të diskutuar në Bruksel, kandidati Johnson mund të vazhdojë të deklarojë se është në rrugë për ta larguar vendin e tij nga BE-ja edhe pa marrëveshje, ndonëse do të vazhdojë ta mbajë të hapur mundësinë për arritje të një akordi me shtetet anëtare, shkruan “The Guardian”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...