Sot mbahen zgjedhjet parlamentare në Ukrainë, Zelensky synon zgjerimin e pushtetit - Bota Sot
Sot mbahen zgjedhjet parlamentare në Ukrainë, Zelensky synon zgjerimin e pushtetit

Evropë

Sot mbahen zgjedhjet parlamentare në Ukrainë, Zelensky synon zgjerimin e pushtetit

Më: 21 korrik 2019 Në ora: 09:39
Foto ilustrim

Kutitë e votimit janë hapur të dielën në Ukrainë. Votuesit do t’i zgjedhin përfaqësuesit e tyre të rinj në parlament.

Volodymyr Zelensky u bë president i Ukrainës në prill të këtij viti, por ka thënë se deri tash nuk ka pasur mundësi t’i emërojë ministrat që dëshiron.

Ish-humoristi po shpreson që këto zgjedhje të jashtëzakonshme, të cilat i kishte shpallur menjëherë pasi ishte zgjedhur president, do ta forcojnë pushtetin e tij dhe t’i japin më shumë mundësi për reforma.

Partia e presidentit Zelensky, e quajtur “Shërbëtori i Popullit” sipas emrit të emisionit televiziv, që dikur udhëhiqej nga ai, pritet të shënojë rezultate të mira në këto zgjedhje.

Sipas anketave, partia e dytë më e popullarizuar është Platforma e Opozitës për Jetë, e cila  është përkrahëse e Rusisë dhe pritet të marrë më së shumti vota në rajonet lindore të Ukrainës.

Megjithatë, Zelensky e ka përjashtuar mundësinë e bashkëpunimit me këtë parti, nëse nuk i siguron votat e mjaftueshme për ta formuar qeverinë pa koalicion.

Presidenti i Ukrainës duhet ta ndajë pushtetin me parlamentin, i cili ka të drejtë ta formojë qeverinë dhe ta propozojë kryeministrin, shkruan “BBC”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...