Zgjedhjet në Ukrainë: Humoristi pritet të bëjë koalicion me yllin e rokut - Bota Sot
Zgjedhjet në Ukrainë: Humoristi pritet të bëjë koalicion me yllin e rokut

Evropë

Zgjedhjet në Ukrainë: Humoristi pritet të bëjë koalicion me yllin e rokut

Më: 22 korrik 2019 Në ora: 08:41
Volodymyr Zelensky

Sikur zgjedhja e një humoristi si president të mos mjaftonte, fati politik i Ukrainës tashmë mund të ketë mbetur në dorën e një ylli të rokut.

Svyatoslav Vakarchuk, këngëtari 44-vjeçar i grupit të rokut “Okean Elzy”, pritet të bëhet pjesë e parlamentit të Ukrainës pasi rezultatet treguan se partia e tij, Golos, i ka fituar gjashtë për qind të votave.

Volodymyr Zelensky, humoristi që i habiti të gjithë duke i fituar zgjedhjet presidenciale në prill, tha se është i gatshëm t’i fillojë bisedimet me yllin e rokut për ta formuar koalicionin qeveritar. Sipas rezultateve të para, partia e tij ka dalë e para në këto zgjedhje, por mund të mos e ketë shumicën e mjaftueshme për ta formuar qeverinë pa koalicion.

Ylli i rokut e kishte mbushur listën e kandidatëve për deputetë me profesionistë të rinj, shumë prej tyre të shkolluar në shtetet perëndimore dhe nuk lejoi që pjesë e partisë së tij të bëhen deputetët aktualë dhe ata që kanë qenë në këtë pozitë në të kaluarën.

Ai nuk e ndali këngën as gjatë fushatës zgjedhore, duke i bërë koncertet pjesë themelore të secilit aktivitet të partisë në mbarë Ukrainën, shkruan “The Guardian”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...