Annegret Kramp-Karrenbauer sot nis detyrën e saj si Ministre e Mbrojtjes. Ajo do të bëjë betimin zyrtarisht. Parlamentarët e Bundestagut mblidhen për këtë shkak mblidhen në një seancë të veçantë.
Më pas, Kramp-Karrenbaueri dëshiron të shpjegojë synimet e saj.
Mbi të gjitha, politikania e CDU kërkon që buxheti i mbrojtjes të rritet në dy përqind të Produktit të Brendshëm Bruto në të ardhmen.
Përfaqësues të ushtarakëve e kanë përshëndetur këtë. Ka ushtarakë që pezullimin e shërbimit ushtarak të detyrueshëm pak vjet më parë e konsiderojnë hap të gabuar.
Megjithatë, Kramp-Karrenbauer së pari duhet ta fitojë respektin dhe besimin e ushtarëve.
“Kjo nuk do të jetë e lehtë për të,” i tha ushtarakja e ushtrisë gjermane, Nariman Hammouti-Reinke.
“Ajo ka zgjedhur punën më të keqe,” thotë oficerja, i cili punon si “togere në marinë” pranë Bremenit dhe kryeson shoqatën “Ushtarakëve gjermanë”, e cila ndër të tjera shprehet për më shumë diversitet në ushtrinë gjermane, Bundeswehr, shkruan Deutsche Welle përcjellë Klan Kosova.
“Trupa lëndohet relativisht shpejt, kështu që ajo duhet të jetë e kujdesshme se si do të shprehet ,” thotë Hammouti-Reinke.
Jürgen Görlich nga Shoqata e Bundeswehrit e sheh rolin e dyfishtë të AKK edhe si një avantazh të madh.
“Ne kemi një person që është peshë e rëndë në politikë,” thotë nënkryetari i shoqatës prej 200 mijë anëtarësh në bisedën De W.
Kjo nuk ka ndodhur që nga koha e Franz-Jozef Shtrausit, kryetar i CSU-së dhe Ministër i Mbrojtjes në vitet 1960.
“Një peshë e rëndë e tillë politike gjithashtu ka një ndikim të caktuar në kabinet, dhe kjo është ajo që ne presim me të vërtetë edhe për Bundeswehrin”.
Kjo llogari mund të funksionojë. Forcat e armatosura gjermane që tani do të gëzojnë “prioritetin më të lartë politik”, ka bërë të ditur Kramp-Karrenbauer.
Ajo kërkon më shumë para për Bundeswehrin. Ajo së pari Pas betimit ajo do të ketë 15 minuta për një deklaratë qeveritare.
Titulli: “Në përgjegjësi për të ardhmen e Gjermanisë – Për një ushtri të fuqishme gjermane në një botë në ndryshim”.
Për këtë deputetët e Bundestagut janë kthyer nga pushimet në Berlin.
Dhe në hollin e ndërtesës Paul-Löbe-Haus, pranë Reichstagit u ngrit një sallë parlamentare e përkohshme.
Salla e zakonshme plenare aktuale po rinovohet.
