Përmbytjet e furishme të 17 Korrikut përveç dëmeve të mëdha materiale shkaktuan edhe shumë viktima në Provincën e Duzces në Turqi.
7 persona, mes të cilëve 4 fëmijë, rezultuan të zhdukur në ujërat që vërshuan në fshatin Esmahanım. Më herët forcat e kërkim-shpëtimit kishin gjetur trupat e 3 personave.
Për gjetjen e 4 të zhdukurve të tjerë, autoritetet mobilizuan 213 forca me 48 automjete, 8 varka dhe 3 helikopterë.
Pas punës disa ditore, sëfundmi është arritur të gjenden trupat e një nëne të re me vajzën e saj, identitetet e të cilëve nuk bëhen të ditur.
Sipas agjencisë së lajmeve “IHA”, trupat e nënës dhe vajzës së saj të mitur u gjetën të përqafuar në përroin e lumit, poshtë një ure.
