Qeveritë e Bashkimit Evropian e kanë nominuar bullgaren, Kristalina Georgieva, për ta drejtuar Fondin Monetar Ndërkombëtar, duke i dhënë fund një bllokade në mes të 28 vendeve anëtare.
Georgieva aktualisht është duke shërbyer si shefe ekzekutive e Bankës Botërore, shkruan Financial Times.
Muajin e kaluar, Christine Legarde, ka dhënë dorëheqje nga pozita e menaxheres drejtuese të FMN-së për të marrë rol të ri si kryetare e Bankës Qendrore të Evropës.
Në garën për kreun e FMN-në përveç Georgievas, janë edhe Jeroen Dijsselbloem – ish ministër i Financave i Holandës; Nadia Valciono, ministër i Financave i Spanjës dhe Olli Rehn, guvernator i Bankës Qendrore të Finlandës dhe ish komisionar i Evropës për euro.
