Terroristi i Christchurch dërgon letër nga burgu - Bota Sot
Terroristi i Christchurch dërgon letër nga burgu

Evropë

Terroristi i Christchurch dërgon letër nga burgu

Më: 14 gusht 2019 Në ora: 13:12
Brenton Tarrant

Terroristi Brenton Tarrant, që kreu një sulm mbi xhamitë në qytetin Christchurch të Zelandës së Re, ka dërguar një letër gjashtë faqëshe nga qelia e tij burgut ku po pret verdiktin e gjykatës.

Zyrtarët e Zelandës së Re pranuan se kanë bërë gabim të madh duke lejuar personin e akuzuar për vrasjen e 51 personave në dy xhamitë të Christchurch, që të dërgojë një letër të shkruar me dorë nga qelia e tij e burgut, transmeton Anadolu Agency (AA).

Letra gjashtë faqe nga Brenton Tarrant ishte postuar këtë javë në faqen e internetit 4chan, e cila është bërë famëkeqe si një vend për supremacistët e bardhë për të postuar pikëpamjet e tyre. E gjithë kjo vjen në një kohë të ndjeshme, me vrasës të tjerë të dyshuar nga El Paso deri në Norvegji duke përmendur Tarrant-in si frymëzim.

Letra duket se është shkruar me laps në një fletore të vogël dhe i drejtohet “Alan”-it në Rusi. Pjesa më e madhe duket të jetë relativisht e “pafajshme”, duke diskutuar për një udhëtim një mujor që Tarrant thotë se e bëri në Rusi në vitin 2015. Por letra paralajmëron gjithashtu se një “konflikt i madh” po vjen.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...