Presidenti i Shteteve të Bashkuara, Donald Trump, mungoi në tryezën e bisedimeve të liderëve të G7-ës kur u mbajt diskutim për ndryshimet klimatike dhe biodiversitetin.
Presidenti francez, Emmanuel Macron, e arsyetoi mungesën e presidentit amerikan duke thënë se ai ishte i zënë me takime dypalëshe.
Kreu i shtetit francez madje tha se Trump i ka mbështetur përpjekjet e liderëve për t’i luftuar zjarret në pyjet e Amazonës.
“Ai nuk ishte në sallë, por ekipi i tij ishte aty. Nuk duhet ta interpretoni mungesën e presidentit amerikan. Shtetet e Bashkuara janë me ne kur bëhet fjalë për biodiversitetin dhe nismën për Amazonën”, shtoi Macron.
Liderët e shteteve më të zhvilluara janë pajtuar që t’i dhurojnë 20 milionë dollarë për t’i luftuar zjarret në pyje, shkruan “Reuters”,.
