Shkëmbimi i të burgosurve, Ukraina dhe Rusia po negocionin prej kohësh - Bota Sot
Shkëmbimi i të burgosurve, Ukraina dhe Rusia po negocionin prej kohësh

Evropë

Shkëmbimi i të burgosurve, Ukraina dhe Rusia po negocionin prej kohësh

Më: 8 shtator 2019 Në ora: 13:06
Rusia dhe Ukraina kanë shkëmbyer mes tyre grupe të burgosurish

Ishte negociuar prej kohësh, dhe tani u bë realitet: Rusia dhe Ukraina kanë shkëmbyer mes tyre grupe të burgosurish, lëvizje kjo që u pa si sinjal për një fillim të ri në marrëdhëniet mes palëve.

Autobusë me të burgosur lanë burgun e Moskës, Lefortovo, dhe në krahun tjetër, pati gjithashtu lëvizje të njëjta. Televizioni rus e raportoi drejtpërdrejt nga aeroporti Vnukovo në Moskë momentin e mbërritjes së dy autobusëve me të 24 marinarët ukrainas, të cilët qëndronin të burgosur në Rusi që nga nëntori i vitit të kaluar.

Në Ukrainë, presidenti, Volodymyr Selenskyj i priti të burgosurit me përqafime. Edhe të afërmit prisnin me lot gëzimi në sy në aeroportin e Borispolit. Në avion ndodhej edhe regjisori Oleg Senzov. Regjisori 43-vjeçar ishte një nga të burgosurit më të njohur në Ukrainë. Ai u arrestua në vitin 2014 dhe u dënua nën pretekstin e “sulmeve  terroriste” në Krime. Mediat kanë bërë ndërkohë të ditur, se secila palë do të lironte 35 të burgosur, por nuk ka konfirmime zyrtare për numrin e tyre.

Edhe në aeroportin ukranias u ngjitën në avionë të liruarit rusë. Duke cituar qarqe qeveritare në avion, DË thotë se aty ndodhej edhe militant Vladimir Zemach, që dyshohet të ketë qenë pjesëmarrës në goditjen me raketë të avionit malajzian, MH17, ku humbën jetën 298 vetë, mes tyre 196 holandezë. Një gjykatë ukrainase urdhëroi lirimin e tij me kusht, duke ngjallur zemëratën e 40 deputetë ukrainas që reagimin për këtë rast, e përcollën me një letër të hapur ku e përshkruanin Zemach-in si një të dyshuar kryesor.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...