Sulm terrorist në një spital sirian afër kufirit me Turqinë, 12 të vdekur deri më tani - Bota Sot
Sulm terrorist në një spital sirian afër kufirit me Turqinë, 12 të vdekur deri më tani

Evropë

Sulm terrorist në një spital sirian afër kufirit me Turqinë, 12 të vdekur deri më tani

Më: 16 shtator 2019 Në ora: 08:51
Turqi

Të paktën 12 civilë kanë humbur jetën dhe shumë të tjerë janë plagosur si pasojë e një sulmi terrorist me autobombë pranë një spitali në qytezën siriane Çobanbey afër kufirit me Turqinë, raporton Anadolu Agency.

Sulmi ka ndodhur pas detonimit të një automjeti të ngarkuar me shpërthyes në parkingun e Spitalit të Çobanbey-it, qytezë e cila është pjesë e rajonit ku është zhvilluar operacioni antiterrorist turk “Mburoja e Eufratit”.

Sipas Mbrojtjes Civile, të paktën 12 civilë kanë humbur jetën dhe shumë të tjerë janë plagosur, ndërkohë që janë ngritur shqetësime nga rritja e mundshme e numrit të viktimave.

Ekipet e Mbrojtjes Civile janë mobilizuar në vendin e ngjarjes dhe janë duke i vazhduar aktivitetet e shpëtimit nga gërmadhat e shtëpive të rrënuara në afërsi të spitalit si pasojë e shpërthimit.

Dëme materiale nga shpërthimi ka pësuar edhe spitali.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...