Katër zyrtarë të policisë franceze janë vrarë me thikë nga një person, jashtë selisë qendrore të policisë në Paris, raportojnë media franceze dhe BBC.
Sulmuesi, i cili u raportua të ishte anëtar i stafit brenda ndërtesës, u qëllua për vdekje nga policia.
Zona në qendër të Parisit është mbyllur.
Sulmi i së enjtes ka ndodhur rreth orës 13 në oborrin e ndërtesës së policisë.
Sulmi vjen një ditë pasi policia franceze hyri në grevë, në të gjithë vendin, për shkak të rritjes së dhunës ndaj oficerëve dhe rritjen e niveleve të vetëvrasjeve brenda forcës.
Ministri i Brendshëm francez, Christophe Castaner ka dalur në vendin e ngjarjes, raporton BBC.
Kryetarja e Parisit, Anne Hidalgo konfirmoi përmes në postimi në rrjetin social Twitter se "disa njerëz" ishin vrarë në sulm, i cili ndodhi pranë vendeve të mëdha turistike përfshirë katedralen e Notre-Dame.
Paris pleure les siens cet après-midi après cette effroyable attaque survenue à la @prefpolice. Le bilan est lourd, plusieurs policiers ont perdu la vie. En mon nom et celui des Parisiens, mes premières pensées vont aux familles des victimes et à leurs proches.
— Anne Hidalgo (@Anne_Hidalgo) October 3, 2019
Një person tjetër u raportua gjithashtu i plagosur. Ende nuk dihet motivi i sulmit.
Sipas mediave franceze, sulmuesi ishte një burrë 45 vjeç, i cili kishte punuar që 20 vjet si punëtor administrativ për policinë në Paris.
"Policët po vraponin nga paniku", tha për gazetën Le Parisien një dëshmitar okular që ishte brenda në oborr, në kohën e sulmit.
