Gjermania rrit eksportin e armëve

Evropë

Gjermania rrit eksportin e armëve

Më: 7 tetor 2019 Në ora: 15:38
Ilustrim

Eksportet gjermane të armëve u rritën 75% gjatë nëntë muajve të parë të vitit.

Ato kapën shifrën 6,35 miliardë euro në fund të shtatorit, duke sugjeruar se rekordi i mëparshëm prej 7,86 miliardë eurosh gjatë gjithë vitit 2015, mund të përmbyset.

Shifra për vitin 2016 ishte 6,85 miliardë euro, por në vitin 2018 pati një rënie që arriti në 4,8 miliardë euro.

Rreth 1,77 miliardë dollarë në eksporte shkuan për Hungarinë, pasi qeveria e kryeministrit, Viktor Orban rriti shpenzimet ushtarake.

Egjipti ishte destinacioni tjetër në renditje, me 802 milionë euro.

Emiratet e Bashkuara Arabe, ishin në vend të nëntë, me vlerë eksportesh, 206 milionë euro.

Në marrëveshjen e muajit mars të vitit 2018, partitë qeverisëse ranë dakord për kufizimin e eksporteve me vendet e përfshira drejtpërdrejt në luftën në Jemen.

commentFirst article
Sot mund të lexoni Shfletoni kopertinat