Udhëheqësit e BE sot për Brexit dhe për zgjerimin

Evropë

Udhëheqësit e BE sot për Brexit dhe për zgjerimin

Më: 17 tetor 2019 Në ora: 13:53
Foto Ilustrim

Liderët e BE-së do të takohen në një samit dyditor Bruksel për të diskutuar mbi një zgjidhje të re mbi Brexit, hapjen e bisedimeve të pranimit me Maqedoninë Veriore dhe Shqipërinë, dhe situatën në Turqi.

Samiti fillon me bisedimet e drejtuesve për Brexit. Presidenti i Komisionit Evropian, Jean-Claude Juncker dhe kryenegociatori Michel Barnier pritet të informojnë udhëheqësit për rishikimin e marrëveshjes për tërheqjen e Britanisë së Madhe dhe tekstin e deklaratës politike mbi marrëdhëniet e ardhshme BE-Londër.

Gjatë darkës, udhëheqësit e BE-së do të trajtojnë politikën e zgjerimit, përkatësisht vendimin për hapjen e negociatave të pranimit me Maqedoninë Veriore dhe Shqipërinë.

Kjo temë u përfshi në agjendën e samitit nga presidenti i Këshillit Evropian Donald Tusk, pasi ministrat e BE-së më parë nuk kishin qenë në gjendje të arrinin një konsensus për hapat e rinj drejt integrimit të Ballkanit Perëndimor në BE.

Këshilli Evropian tha para këtij debati se shumica e shteteve anëtare ishin në favor të hapjes së negociatave të pranimit me Shkupin dhe Tiranën, por që kishte disa që nuk ishin të kënaqur që kjo temë ishte aspak në samitin e liderëve të BE-së.

Para takimit të tij në Bruksel, presidenti francez Emmanuel Macron përsëriti kërkesën e tij për integrim më të thellë në BE dhe reformë të procesit të pranimit përpara çdo hapi të mëtejshëm të integrimit nga vendet e Ballkanit Perëndimor.

Një temë e mundshme në samitin e liderëve të BE-së duhet të jetë vonimi i fillimit të bisedimeve të pranimit me Shkupin dhe Tiranën, në mënyrë që Maqedonia Veriore të mund të marrë përfundimisht një "dritë jeshile" të pavarur nga Shqipëria, e cila vazhdon të bëjë thirrje për reforma më bindëse.

Gjatë darkës, liderët e BE-së do të diskutojnë gjithashtu marrëdhëniet me Turqinë, veçanërisht në dritën e veprimit ushtarak të Turqisë në verilindje të Sirisë dhe sanksioneve të BE-së.

Dita e dytë e samitit i kushtohet agjendës strategjike të BE-së, me presidentin e emëruar të Komisionit Evropian Ursula von dre Layen që pritet të paraqesë përparësitë e Komisionit të ardhshëm Evropian.

Ndryshimet klimatike dhe çështjet e buxhetit të BE janë në agjendën e liderëve të vendeve anëtare.

commentFirst article
Sot mund të lexoni Shfletoni kopertinat