Pretendimi mbi atësinë e një vajze ka sjellë hapjen e varrit të një burri 24 vite pas vdekjes.
Ngjarja ka ndodhur në distriktin Bafra të Samsunit në Turqi, ku N.G. ka ngritur pretendimin në gjykatë se M.D., i cili kishte humbur jetën në vitin 1995 ishte babai i saj.
Gjykata në Bafra urdhëroi hapjen e varrit pas më shumë se 2 dekadash dhe marrjen e një kampioni ADN-je.
Pas këtij vendimi të gjykatës, familjarët e të ndjerit, vajza që pretendon se është e bija, nën shoqërimin e xhandarmërisë dhe prokurorëve hapën varrin e M.D. dhe morën kampionët që do të provojnë nëse pretendimi i N.G. është i vërtetë.
